مـــنـــتــديات هـــدوء الــحــب

رحال يرحب بك في منتدى هدوء الحب
((ادآرة المنتدى)) السلام عليكم نرحب بجميع الزوار المتواجدين في المنتدى نتمنى أن تجدوا كل مايفيدكم هنا وكم يسعدناالتسجيل معنا في المنتدى كي تزيدوا من رقي المنتدى ونستفيد من ماهو لديكم من معلومات وابداعاتكم ياهلا فيكم بأي وقت .
الإداره السلام عليكم ورحمة الله وبركاته نرحب بكم في منتداكم وأشكر لكم تفاعلكم في المنتدى ونشاطكم الملحوظ للأمام ان شاء الله تقبلوا خالص شكري لكم كما نرحب بجميع الأعضاء الجدد ونتمنى أن نرى منهم إبداعاتهم معنى للرقى بهذا المنتدى وشكرا.إدآآآرة المنتدى

    اللهجة الحجازية

    شاطر
    avatar
    яώάQάη

    عدد المساهمات : 90
    نقاط : 176
    السٌّمعَة : 0
    تاريخ التسجيل : 25/02/2010
    الموقع : مكة المكرمة

    اللهجة الحجازية

    مُساهمة من طرف яώάQάη في الثلاثاء مارس 02, 2010 8:37 pm




    كورس لازم تتعلموه قبل ما تجي جده ومكة لانه بيكون هناك امتحان
    TOFFEL
    لازم تعدوه بنسبة500/1000
    الله معاكم
    اللهجة الحجازيه على مر العصور

    اللهجة الحجازية :
    هي لهجة أهل المنطقة الغربية في السعودية وتتمركز بالذات
    في مكة وجده والمدينة والقرى القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل

    وطبعا تختلف لهجة العجايز عن الجيل الحاضر ..

    لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة


    وبسم الرحمن نبدأ في بعض ما تختص
    بيه لهجتنا الحجازية الغاليه :
    مصطلحاتنا :

    في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :



    اندر بره : اخرج

    العن سنسفيلك : اهزأك

    اديلو : اعطيه

    الدهليز : مدخل البيت

    الكرتة : الفستان

    الكندره : الجزمة اكرمكم الله

    القنعه : العبايه

    الكرويتة : دكة خشبية

    الزقاق : الشارع الضيق

    وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس الداعوس <---- زقاق أهون وربي










    باختصار هو الشارع الضيق




    دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

    دحديرة : نزلة او منحدر

    الدبش : اغراض العروسة قبل لا تتزوج

    القابلة : بكره = اللي تولد الحوامل

    المملك : المأذون الشرعي

    الدقيسي :الفراغ اللي تحت الدرج أو المخزن

    المرقعة : الدلع والمياعه في الكلام والتصرف

    يتريق : يستهزء

    اللغوصة : نقل الكلام وتسبيب المشاكل

    الدحلسة : اذا كنت بتتمصلح مع واحد عشان تبغى منه شي تقول يدحلس

    هججوني : ازعجوني

    قوامن : بسرعه , حالاً

    مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون و المضليون هو البروش الألماس

    الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر

    المرمشة: يمين بالله علينا كلمات فلّه

    المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء

    الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام

    العكننه : وهي التنكيد على شخص معين،

    سربوت/ يعني داشر

    جرانكاكي / ماشيا على الاقدام ............ ....مثلا: انا اليوم جاي من الحرم كلانكاكي

    انقز/ يعني اقفز من مكان عالي
    تليك / حذاء الله يكرمكم
    ............ ..تكر/ يعني نقود أو فلوس
    و في مصطلحات كتيرررررررررر غيرها .

    2- أمثال حجازية :

    إذا جيت رايح كتر من الفضايح.
    او إذا جيت رايح كتر من الملايح

    بعد ما أكل واتكا قال ريحته مستكا.


    حاجه ما تهمك وصي عليها جوز أمك.

    ست وجاريتين على قلي بيضتين.

    أعمى ويلضم خرز.

    دلع الكبار زي الشقدف على ال****************
    يضرب هذا المثل لخروج العجوز عن وقاره وجديته
    والشقدف عشان الاسئلة بس:ما كان يوضع على الجمل ليجلس فيه المسافرون

    اللي ماله أم حاله يغم.

    كنس بيتك ورشُو ما تدري مين يخشو.

    الخايبة تتعلق بالحبال الدايبة.

    أهري وانكتي يا جاره وأنا ثابته زي العماره.

    شايل لنا طيران عبد القادر

    لو لك شي عند ال************ قوللو يا سيدي

    لا تقرصيني يا نحله ولا أبغالك عسل...

    يحسدوا الفقير على موتة الجمعة

    سكتنالو دخل ب****************ووو

    ما يقدروا على ال**************** يقدروا على البردعة

    اذا حلقوا لغيرك بل راسك واستنى

    ايش عرف الحمير بأكل الجنزبيل

    البيض الفاسد يدحرج على بعضو


    اذا تعاندوا الحمير يا بخت الركاب



    البيضه ما تداقش حجر


    حبيبك يمضغ لك الزلط وعدوك يعد لك الغلط


    ****************تك العرجة تغنيك عن سؤال اللئيم


    داخل لبيت العروسه نادر من بيت العريس


    ياريتني بيضه وعرجه اصلوا البياض فرجه(بضم الفا).


    يااخد القرد بمالو يروح المال ويبقا القرد على حالو


    الله من محبتو في عبيدو جعل العمر والرزق بيدو.


    اللي يشوفني بعين اشوفوا باتنين.


    مين يشوفك يالي في الضلام تغمز


    على قد زيتو سرجلو


    ماتعرف خيري ألين ماتجرب غيري


    عقربة في الغار ولا ضُرة في الدار


    فقير اتجوز فقيرة خلفوا وجع القلب


    كبيرهم فلفل وصغيرهم زنجبيل واللي في الكوفلة يقول من العايدين


    خاتم بفصو وكل شيء ترصو


    خشوني لاتنسوني
    ولعوا الشمعة وشوفوني


    عمية تحفف مجنونة وتقولها حواجبك سودا ومقرونة


    الصرمة والقبقاب صاروا أصحاب


    يا داق الموية في المهراس يا مربي وليد الناس


    كل عيش البخيل ولا تأكل عيش المنان


    أدب ولدك وان زعلت امه


    يابخت من بكاني وبكى الناس عليا ولا من ضحكني وضحك الناس عليا.


    رضينا بالهم والهم ما رضي بينا


    اتملت العدوة وقلت المروه


    أكلوا الملوخية وصاروا أفندية


    لمن كنا ما كانوا ولمن رقدنا قاموا


    قالوا متى طلعت القصر قالوا أمس العصر


    العروسه للعريس والجري للمتاعيس


    سلامتك والهيل والقرنفل قمامتك


    اللي يشيل قربه مخروقه تنقط على راسه


    الحجر من الارض والدم من راسك


    أخوانك من أمك زي الدهب في كمك و أخوانك من أبوك زي القوم لما ينهبوك

    من بيت أصقع لبيت أرقع


    مطبق العاده و معصوب كل يوم
    ههههههههههههههههههههههههه


    في كل محضر بالتوب الاخضر

    باب المجلس يقول باب السطوح ... اللي يجي يجي .. واللي يروح يروح


    خليها في القلب تجرح و لاتخرج بره ترمح

    الحر من غمزة وال**************** من رفزه
    يضرب هذا المثل لايضاح الفرق بين النبيه والبليد.

    **************** الحكومة حكومة
    يضرب هذا المثل للموظف الصغير المتسلط على الناس


    خطبوها اتعززت تركوها اتندمت
    يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان


    كل حبه مسوسه لها كيال اعور


    قلبي على ولدي انفطر وقلب ولدي عليا حجر.


    و لا تنسوا ارضى بقردك لايجيك اللي أقرد منوو
    الحب عياقة ...توب بلا ياقة


    الالقااااااااااااااب :
    عندنا في الحجاز وخصوصا مكه في اسماء يعطوها كنيه او لقب على سبيل المثال واحد اسمو عبد الله يقولولو أبو عابد ... وهذي بعضها :

    عمر : أبوسراج
    حسن : أبو على
    حسين : أبو هلال
    يوسف : أبو يعقوب
    عبدالله : عبادي او ابو عابد
    عبدالرحمن : الوجيه
    عبد الرحيم : أبو رحمه
    فيصل : أبو عبدالله
    عبد العزيز : عزيز أو ابوسعود
    فاطمة : فتو
    مريم : منّة
    ابراهيم : أبو خليل


    كمان الحجازيين فيهم اخلاق و احترام مافي بعدها


    لما يطلب منك سكينه ايش يقول ؟

    يقولك الله يخليك اديني سكينة في قلب العدو

    لما يقلك كنت بأكل

    يقلك كنت ب أتعشى مثلاً فضلة خيرك



    اشياء و تراجمها :


    بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما..

    المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!

    الدقيسي: بتشديد الدال و********رها و********ر السين، وهو ما يعرف بالمستودع ، يقول الكاتب
    المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور.

    القرندي: بفتح القاف والراء وتسكين النون و********ر الدال <<<مشوار ها؟
    وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
    ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.

    الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.
    حيث تداعب أولادها بـ (تعال الله يفقدك)

    توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).

    المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن
    المذكورين سابقا
    انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس
    وبعدين قالت خلاص يامغراف خده وفي لمح البصر اختفى الولد ، والمغراف هو نوع من أ نواع الجن
    وكان بالصدفة متواجد في مكة هذا الجني ههههههههههههههههههههه



    على طبطابي .. : يعني على مزاجي : cool:

    مِرَسْتَكَه ..: يعني متأنتكه يعني مرة شياكة .. ومرتبّة


    وايق
    : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي ..


    و لا أهبدك اللين أجدد ايمانك

    تزل ... : يعني تمر

    مرحبمبك ... : يعني مرحبا بك .. بس باختصار شوية : D

    باطِرمَة ... : يعني جلسة ... كنب حاجة زي كده ...

    كَرَاوِيتَه : ... حاجة خشب كده ..... يحطوا عليها الباطرمة ....

    مَدَارِيْه : ...... مراجيح ...

    ندرت عينك من حُقّها ... : يعني خرجت عينك من محجرها .... كده ::]

    شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. ::]

    قيّسْتَك : ... يعني حسّبتك .... توقعتك .... هقيتك

    يعني مثلاً .. ( قيستك ياواد حتزل على عمتك فتّو ) ... وه ياستيته .. : D

    بُخْنُق ... : اللي يتلبس في الراس ويكون مخيّط على قده .... : SMIL:

    مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟ :-@

    دهليز : يعني سيب (... سيب وانا اسيب )..... يعني محل كده زي اللي يكون قدام ابواب العماير

    من جوّه .... :SMIL من الداخل:

    زنبيل : ... يعني كيس ... : cool:

    زلطة : .... سَلطة بعد التعديل ... |324|

    يدعك : ... يعني يفرك ... يعني مثلا .. ( ايش بتسوي يابت :-@ ... بادعك الاسورة : D .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله
    ولا مشغله
    .... :-@ )

    مجغجغ : مليان مويه


    ازهموا: يعني نادي ............ .ياواد ازهموا اللله يرجك
    اوادم / ضيوف ....... (يا غازي الاوادم وصلوا)



    ( وممكن اضيف كلمات الجيل الجديد اللي صار يولف بعض الكلمات وهيا/

    خرشه/ يعني كذبه
    خنفشاريه/حركه جات معاك كدا
    بهللا/ يعني (زناوه) يعني من الاخر حركات نص كم


    بلاقروشه / يعني ( لا تشعل عقلي دحين أو لا توترني )........... .( بالله بلا قروشه , لاتقروش راسي دحين)

    ( بفتح القاف وسكون الراء وفتح الواو والشين)

    بابغلي / حاجة تكون مو أصليه أو صناعة تعبانه ............ .....وفي كلمه تانيه نفس المعنى وهيا (أبو************) يقلك
    مثلا/ياراجل الساعه هدي أبو ************






    لعيونكم كمان محادثه مكاويه :

    ماجد ابو صدقه / يواد يامعمر
    عمر ابو سراج / هلا مجود
    ماجد ابو صدقه / كيف الحال والتحوال
    عمر ابو سراج / خليها على ربك ياشيخ
    ماجد ابو صدقه / بلا في شكلك ... خاربها من بدري ... اشبك
    عمر ابو سراج / لا بس البزوره جابولي القلق
    ماجد ابو صدقه / صفقهم احسن لك (يعني اضربهم )
    عمر ابو سراج / يابن الحلال الحرمه دي زي المرض قاعدتلي
    ماجد ابو صدقه / من جد ... المهم رايح القهوة
    عمر ابو سراج / قدام ... والله مره أبغى أروق المنجا
    ماجد ابو صدقه / هه مايبغالك الا باعشن
    عمر ابو سراج / من جد ... سرينا
    ماجد ابو صدقه / خلاص بعد نص ساعه أزل عليك
    عمر ابو سراج / هيا لا تتحير ... تراها واصله معايا
    ماجد ابو صدقه / بس ترا مفلس
    عمر ابو سراج / لا تشيل هم .. انا منقرش
    ماجد ابو صدقه / الله عليك ياعمده .. او كي يالله أواجهك هناك
    عمر ابو سراج / على خير


    هذا اللي عندي بصراحه واتمنى ان الموضوع يكون عجبكم

    واي واحد عنده اضافات أتمنى انو ما يبخل علينا والله يعطيكم العافيه
    avatar
    احساس رسام
    ẪβọỎỏỎọĐY
    ẪβọỎỏỎọĐY

    عدد المساهمات : 57
    نقاط : 103
    السٌّمعَة : 0
    تاريخ التسجيل : 16/02/2010
    الموقع : في قلب حبيبي :$

    رد: اللهجة الحجازية

    مُساهمة من طرف احساس رسام في الخميس مارس 04, 2010 4:04 am

    يهوووووووووووووووووووووووو

    ياعمري لى لهجتنا

    هيا لام تتعلمو ولا تنفرشو ترى لمن تجوعندنا

    <<اخر بس

    يعطيك العافيه روقان باشا

    عساك على القووه


    _________________

    soft moon

    عدد المساهمات : 197
    نقاط : 273
    السٌّمعَة : -1
    تاريخ التسجيل : 18/02/2010

    رد: اللهجة الحجازية

    مُساهمة من طرف soft moon في الخميس مارس 04, 2010 7:53 am

    عبدالرحمن : الوجيه
    ههههههههههههههههههه
    بس عرفت السر بكلمه الوجيه Embarassed
    سلمت على الموضوع الرائع
    دائما متميز بمواضيعك الحلوه والمميزه مبدع
    تحياتى لك


      الوقت/التاريخ الآن هو الخميس سبتمبر 21, 2017 6:06 am